Հայտադիմումը պետք է լրացնել անգլերեն լեզվով: Խնդրում ենք նկատի ունենալ, որ հայտադիմումի որոշ հատվածներ պետք է լրացնի ոչ միայն դիմորդը, նրա ծնող(ներ)ը, այլ նաև ուսուցիչը և որևէ մեկը, ով դիմորդին լավ է ճանաչում արտադասարանական գործունեության մեջ:

Հայտադիմումը լրացնելու համար պահանջվող փաստաթղթեր (փաստաթղթերի թարգմանություն չի պահանջվում, եթե հստակ նշված չէ)

• Դիմորդի անձնագրի (գլխավոր էջը լուսանկարով) կամ նույնականացման կամ ծննդյան վկայականի սկանավորված պատճենը:
• Վերջին ուսումնական տարվա գնահատականների սկանավորված պատճենը (10 դասարանի աշակերտները կարող են ներկայացնել Միջնակարգ Դպրոցի Ավարտական վկայականը):
• Ստորագրված Անձնական տվյալների մշակման համաձայնության սկանավորված պատճենը:
• Ձեր սեփական լուսանկարի սկանավորված պատճենը:

Հայտադիմումը բաղկացած է հետևյալ առաջադրանքներից՝

«Անձնական տվյալներ» և «Կոնտակտային տվյալներ» առաջադրանքները պետք է կատարվեն դիմորդի կողմից: Այս բաժիններն օգնում են UWC-ին հասկանալ, թե ինչպես է դիմորդը մտածում և ինչու, արդյոք նա համապատասխանում է UWC-ին և արդյոք UWC-ն ճիշտ է նրա համար:

«Ակադեմիական տվյալներ» առաջադրանքում ներկայացվում են դիմորդի ակադեմիական ձեռքբերումները՝ ստորագրված և կնքված, ներառյալ վերջին ուսումնական տարվա գնահատականները (10-րդ դասարանի ուսանողները կարող են ներկայացնել 9-րդ դասարանի ավարտական ​​վկայականի պատճենը):

«Հայտադիմումի բովանդակային հատված» առաջադրանքը պահանջում է հարցերի պատասխանել և 50-ից 400 բառանոց կարճ էսսեներ գրել: Եթե ​​վերջին երեք տարիներում դիմորդ ունի ձեռքբերումներ, ապա կցում է դրանք հաստատող փաստաթուղթ(եր)՝ մրցանակ, դիպլոմ, վկայական:

«Ծնող(ներ)-ի / Խնամակալ(ներ)-ի Տվյալներ և Թույլտվություն» առաջադրանքում անհրաժեշտ է հաստատել, որ նրանք կողմ են դիմորդի որոշմանը UWC-ում սովորելու համար, և որ դիմորդը հասկացել է UWC դիմելու բոլոր պայմանները: Այս առաջադրանքը լրացնում են ծնող(ներ)-ը / խնամակալ(ներ)-ը։

Հայտադիմումը կհամարվի ամբողջական և ենթակա կլինի ստուգման միայն բոլոր առաջադրանքների ավարտված լինելու դեպքում: Բոլոր տեխնիկական հրահանգները, թե ինչպես կատարել այդ առաջադրանքները, կտրամադրվեն հայտադիմումի հարթակում:

Երբ թեկնածուն ընդունում է առաջարկը, Ազգային կոմիտեն առաջադրում է նրան UWC քոլեջ՝ հաշվի առնելով հայտադիմումում թեկնածուի նշած նախապատվությունները, ինչպես նաև տարբեր այլ գործոններ: Որպես կանոն, քոլեջներն ընդունում են Ազգային կոմիտեի կողմից առաջադրված թեկնածուներին: Այնուամենայնիվ, քոլեջներն իրենց վերապահում են այդ հարցում վերջնական որոշում կայացնելու իրավունք։ 

Բացի դրանից, սպասման ցուցակում գտնվող թեկնածուների համար գոյություն ունի այսպես կոչված Clearing Process-ը: Այս գործընթացում Ազգային կոմիտեն կարող է այդ ցուցակի երիտասարդների թեկնածությունն առաջադրել, և UWC դպրոցներն իրենք կարող են ընտրել այդ թեկնածուներից որևէ մեկին, եթե ունենան հասանելի տեղեր: