UWC Li Po Chun-ը առաջարկում է Միջազգային բակալավրիատի դիպլոմ ծրագրի (IBDP) ուսումնական ծրագիր: Բացի ստանդարտ առարկաներից, UWC Li Po Chun-ը առաջարկում է չինարեն, խոսակցական չինարեն, իսպաներեն, ֆրանսերեն, աշխարհագրություն, բիզնեսի կառավարում, քաղաքագիտություն, բնապահպանական համակարգեր և կազմակերպություններ, թատրոն, կերպարվեստ:

Քուան Չաի ծրագիրը (լիարժեք մարդու զարգացում) սովորողների կրթության անբաժանելի մասն է: 70-ից ավելի զբաղմունքներ են առաջարկվում, ներառյալ թիմային սպորտ, համայնքային աջակցման նախագծեր և այլ, որոնք կապված են համայնքի շրջանակներում այլ խմբերի կամ կազմակերպությունների հետ։ Քուան Չաի ծրագրի տարբեր բաղադրիչներից բացի, մեծ նշանակություն է տրվում ծառայությանը համայնքին, սովորողների՝ խաղաղության և կայունության հաստատման գործում իրենց դերի մասին տեղեկացվածության բարձրացմանը: Աշխատանքները հիմնականում սովորողների կողմից են ղեկավարվում և ներառում են`

• Համայնքային ծառայություն (կորալների մշտադիտարկում, աշխատանք տնային աշխատողների հետ)
• Արվեստ (խոհարարություն և առողջ ապրելակերպ, Վիշապի պար, բանավեճ)
• Ֆիզիկական ակտիվություն (թիավարում, արշավներ, քեմփինգ և ալպինիզմ)
• Ծառայություն կամպուսում (առաջին օգնության խումբ, Աուդիո վիզուալ թիմ, Կամպուսի բնապահպաններ և Synergy ամսագիր)
• Նախագծերի շաբաթը
• Մշակութային երեկոներ
• Կրթական խաղաղարար ծրագրեր
• Կողմնորոշման շաբաթ

UWC Li Po Chun-ը 100%-ով բաղկացած է բնակելի շինություններից: Սովորողներն ապրում են կամպուսի 4 բնակելի շենքերում, և նրանցից յուրաքանչյուրը կիսում է իր սենյակը երեք այլ սովորողների հետ: Հնարավորության դեպքում սենյակները տրամադրվում են երկու երկրորդ և երկու առաջին կուրսեցի սովորողների, որոնցից երկուսը Հոնկոնգից են, երկուսը՝ այլ տարբեր երկրներից: Լրիվ դրույքով աշխատող անձնակազմը ապրում է կամպուսում և կատարում մանկավարժի աշխատանք: Մանկավարժները և մանկավարժների խմբերը կարևոր առաջնորդների դեր են կատարում, ապահովում «տանից հեռու՝ ինչպես տանը» մթնոլորտ, անհրաժեշտության դեպքում լսում սովորողների խնդիրները և օգնում նրանց, ինչպես նաև լավ լուրեր փոխանակում սովորողների հետ: Կամպուսում կա նաև մարզադահլիճ, խորհրդակցությունների դահլիճ, խաղաղության կրթության կոնտրոն, լողավազան, թենիսի կորտ, բասկետբոլի դաշտ, գրադարան, դասասենյակներ և լաբորատորիաներ:

Մա Օն Շան քաղաքում գտնվող և Ստարֆիշ ծովածոցին ու Թոլո նավահանգստին նայող դպրոցական կամպուսից Վու Քաի Շա մետրոյի կայարանին ոտքով հասնելու համար 10 րոպեից էլ քիչ ժամանակ է պահանջվում, ինչը շատ հարմար է դարձնում դպրոցի գտնվելու վայրը:

Հոնկոնգից դիմորդները կարող են դիմել իրենց Ազգային կոմիտեին UWC 18 քոլեջներից ցանկացածը, այդ թվում նաև UWC Li Po Chun,  ընդունվելու և կրթաթոշակով սովորելու համար: Արտասահմանցի դիմորդները կարող են դիմել իրենց երկրի UWC national committee միջոցով, կամ, ուսման լրիվ վճարի դեպքում՝ ուղղակիորեն դիմել քոլեջ: Հավելյան տեղեկության համար այցելեք քոլեջի կայքը: