UWC Mostar-ն առաջարկում է Միջազգային Բակալավրատի Դիմպլոմի Ծրագիր IBDP ուսումնական ծրագիր։ Այլ ստանդարտ կուրսերին զուգահեռ քոլեջը առաջարկում է Բոսնիայի գրականություն, Խորվաթական  գրականություն, մարդաբանություն, տնտեսագիտություն, բնապահպանական համակարգեր և կազմակերպություններ, կերպարվեստ։

UWC Mostar-ը հաճախակի գործընկեր է Մոստար քաղաքում տեղի ունեցող գրեթե բոլոր կարևոր իրադարձություններում: Դրանք ներառում են ամենամյա միջոցառումներ, ինչպիսիք են Street Art փառատոնը, երեխաների փառատոնը, Եվրոպական հետազոտողների գիշերը և շատ ավելին: Նպատակը քաղաքի բոլոր մասերից երիտասարդներին ներգրավելն է համագործակցային արկածախնդրության մեջ, որի նպատակն է վերակենդանացնել և զարգացնել քաղաքի կյանքը այնպես, որ միավորի բոլոր համայնքների երիտասարդներին:

UWC Mostar-ը նաև առաջ է քաշել Միավորված ազգերի կազմակերպության մոդելի (MUN) հայեցակարգը Մոստարում և ամբողջ երկրում և կազմակերպում է UWC Mostar ձմեռային արվեստի փառատոնը, որը ցույց է տալիս սովորողների տաղանդները Մոստար քաղաքի տարբեր հանրային բեմերում:

UWC Mostar-ն ամեն տարի իրականացնում է մի քանի կարճ ամառային ծրագրեր Բոսնիա և Հերցեգովինայի երիտասարդների համար, ինչպիսիք են «Մարտահրավերների պատմություն» ամառային դպրոցը և «Մոստարի ամառային երիտասարդական ծրագիրը»:

UWC Mostar-ի մշակութային բազմազանությունը և սովորույթների հարստությունն առավել նկատելի են քաղաքի արևմտյան և արևելյան հատվածներում գտնվող տներով: Դպրոցի շենքն ինքնին գտնվում է քաղաքի կենտրոնում և կիսում է իր տարածքը Gimnazija Mostar-ի հետ, ներառյալ գիտական լաբորատորիաները, ընդարձակ, լուսավոր գրադարանը վերնահարկում և մեծ հավաքների սենյակը: Gimnazija-ի փակ և բացօթյա սպորտային հարմարությունները՝ ներառյալ մարզասրահը, ֆուտբոլի/հանդբոլի խաղադաշտը, վոլեյբոլի խաղադաշտը, վազքուղին և հեռացատկի բաժինը, հասանելի են UWC Mostar-ի սովորողների համար: UWC Mostar-ն ունի երկու լրացուցիչ շենք, որոնք օգտագործվում են ակադեմիական, գրասենյակային, վիզուալ արվեստի և թատերական արվեստի համար:

UWC Mostar-ը գտնվում է Մոստար քաղաքում՝ Բոսնիա և Հերցեգովինայի հարավում։ Բարենպաստ աշխարհագրական դիրքը, Խորվաթիայի և Մոնտենեգրոյի հետ հարևանությունը և մեղմ կլիման Մոստարը դարձնում են զբոսաշրջության հայտնի վայր: UWC Mostar-ը միակ UWC-ն է Հարավարևելյան Եվրոպայում:

Սովորողները դիմեն իրենց երկրի UWC national committee կամ UWC Global Selection Programme-ի միջոցով։ Հավելյալ տեղեկության համար կարող եք այցելել քոլեջի կայք։