Սեպտեմբերի 21-ը ՄԱԿ-ի կողմից հայտարարված խաղաղության միջազգային օրն է: Նույն օրը նշվում է նաև Միացյալ աշխարհի քոլեջների (UWC) օրը, երբ UWC շարժումը ջանում է տոնել իր առաքելությունն ու տեսլականը և ընդլայնել իր շարքերը՝ համախմբելով մարդկանց, որոնք անտարբեր չեն համաշխարհային մարտահրավերների հանդեպ: Ամեն տարի շարժումն ընտրում է UWC օրվա կարգախոս: 2018թ.-ի կարգախոսն էր «ոգեշնչելով փոփոխությունները»:

Մեզանից յուրաքանչյուրը կարող է իրականացնել փոփոխություններ, և 2018թ. սեպտեմբերի 21-ին UWC Հայաստանի, Վրաստանի և Ռուսաստանի ազգային կոմիտեները զրուցեցին տարբեր կազմակերպություններ ներկայացնող անձանց հետ, ովքեր պատմեցին իրենց բացառիկ աշխատանքի մասին: