UWC Maastricht-ն առաջարկում է հայեցակարգային ծրագիր տարրական դպրոցի 4-ից 11 տարեկան սովորողների համար:

Տարրական ծրագիրը (4-11 տարեկաններ) բաղկացած է մի շարք առարկաներից, ինչպես նաև մի քանի ընտրովի առարկաներից՝ կախված անգլերենի սահուն մակարդակից:

IB միջնակարգ ծրագիրը (11-16 տարեկաններ) խրախուսում է սովորողներին ընդունել և հասկանալ ավանդական դպրոցական առարկաների և իրական աշխարհի միջև կապերը և դառնալ քննադատական և վերլուծող մտածողներ:

16-18 տարեկաններին Քոլեջն առաջարկում է Միջազգային բակալավրիատի դիպլոմային ծրագիր (IBDP) ուսումնական ծրագիր: Ստանդարտ դասընթացների հետ մեկտեղ UWC Maastricht-ն առաջարկում է հոլանդերեն, իսպաներեն, գերմաներեն, իտալերեն, արաբերեն, համաշխարհային արվեստ և մշակույթ, համաշխարհային քաղաքականություն, կերպարվեստ, երաժշտություն:

UWC Maastricht-ը խթանում է սոցիալական ձեռներեցությունն սովորողների և աշխատակիցների շրջանում՝ տրամադրելով նրանց գործիքներ և միջոցներ նախագծեր սկսելու և դրանք կայուն դարձնելու համար: Youth Social Entrepreneurship (YSE) Programme-ին մասնակցությունը պարտադիր է IBDP առաջին կուրսի բոլոր սովորողների համար: IBDP առաջին կուրսում սովորողները մշակում, ծրագրում և իրականացնում են տեղի «Project week»-ը՝ ծառայություն մատուցելով Մաստրիխտի տեղի համայնքին: Ավելին, բոլոր IBDP սովորողներին կոչ է արվում կազմակերպել կամընտրային «Project week»-եր Եվրոպայում՝ իրենց արձակուրդների ժամանակ, ուշադրությունը սևեռելով ծառայության, ստեղծագործականության, ֆիզիկական ակտիվության և ընդհանուր առմամբ նորը բացահայտելու վրա:

Ամենամյա երկօրյա Իմացության տեսության կոնֆերանսը (Theory of Knowledge (TOK) Conference) սովորողներին հնարավորություն է տալիս քննադատաբար մոտենալ իրենց շրջապատող աշխարհին հեղինակավոր բանախոսների հետ միասին:

Քառօրյա Խաղաղության Միջազգային Կոնֆերանսի ընթացքում խաղաղարարները, մարտահրավեր նետողները, փաստաբանները և փորձագետները ամբողջ աշխարհից իրենց գիտելիքն են փոխանցում և ոգեշնչում իրենց դասախոսությունների միջոցով: Այն սովորողները, ովքեր ապրել են հակամարտության գոտիներում կամ անձնական կապեր ունեն տարբեր ձևաչափի կոնֆլիկտների հետ, հետաքրքիր մտքեր են արտահայտում և առաջարկում լուծման միտված քննարկումներ:

Մաստրիխտի Միացյալ ազգերի մոդելային կոնֆերանսը և TEDxYouth@Maastricht-ը երկու այլ ամենամյա միջոցառումներ են, որոնք բացառապես սովորողների կողմից են կազմակեպվում:

Կամպուսը կառուցվել է 2015 թվականին պուրակ հիշեցնող վայրում, Մաաստրիխտի կենտրոնի հյուսիսարևելյան մասում: Վայրը շրջապատված է սպորտային դաշտերով, անգլիական ոճի բնական արգելոցով և նորակառույց շենքերով: Կամպուսին հասնելու համար անհրաժեշտ է անցնել կամուրջը, որը միայն հետիոտների և հեծանվորդների համար է:

UWC Maastricht-ը գտնվում է Մաստրիխտում, միջազգային մի քաղաքում, որը Նիդեռլանդների ամենակարևոտ և ամենահարավային մասում է գտնվում: Քաղաքի կենտրոնը հեծանվով ընդամենը 10 րոպեի հեռավորության վրա է:

Մանկապարտեզային, կրտսեր և միջին դպրոցներում ցերեկային ուսուցման համար դիմումները պետք է լրացվեն համապատասխանեն միջազգային իրավունքի մասին հոլանդական օրենքին: Գիշերօթիկ կրթություն ստանալ ցանկացող սովորողները պետք է դիմեն իրենց երկրի UWC national committee միջոցով: Հավելյան տեղեկության համար այցելեք քոլեջի կայքը: